Traust veflausn fyrir dýraheilsu

Dýrið mitt er veflausn fyrir heilsufarsskrár og umönnunarleiðbeiningar gæludýra. Markmiðið er að styðja dýraeigendur, dýralækna og dýralæknastofur með traustum upplýsingum og einföldu aðgengi að mikilvægum heilsufarsgögnum um dýr.

Vefurinn var stofnaður og er rekinn af bræðrunum Gunnari Sigurðssyni og Agli Sigurðssyni. Egill hefur bakgrunn í viðskipta- og markaðsfræði og Gunnar í rafmagnsverkfræði og forritun.

Bræðurnir ólust upp á heimili þar sem dýr voru stór hluti af daglegu lífi. Á heimilinu voru meðal annars hundar, fuglar, hamstrar, kanínur, naggrís, fiskar, salamöndrur, skjaldbökur og eðla. Foreldrar þeirra ráku einnig Bergmáls ræktun, þar sem þau voru með nokkur labrador got.

Að alast upp við svona fjölbreytt dýralíf kenndi þeim snemma hversu mikilvægt er að hafa góðar upplýsingar um heilsu, meðferðir og umönnun dýra. Oft eru slíkar upplýsingar dreifðar á mismunandi dýralæknastofum og því getur verið erfitt að halda góðri yfirsýn yfir sjúkrasöguna og umönnunarleiðbeiningar.

Markmið okkar með Dýrið mitt er að gera dýraeigendum og dýralæknum auðveldara að halda utan um heilsufarssögu og umönnun dýra á einum stað.